`:•. ][ قسم المعلمين وجتماعاتهم السرية][.•:¨`

مش مصدق

مش مصدق .. إن قلب الدنيا يسكت

مش مصدق .. إن نبض الحب مات

إن عود الفل إتعود على السكات

إن نور الصبح فينا راح وغاب

خلى كل الكون ضباب

مش مصدق .. إن عزم الخير بيضعف

إن روح الشر ماشيه فى المكان

ينجلد عطف الزمان

ينكوى بناره الأمان

القلوب صابها الذهول

والنفوس صادها النفور

صدها الخير والمرار

والمرار فى قلوبنا غول

والكابوس فوق الصدور

والأمل محصور بسور

والعدل عمره مايجى فى يوم يجور

ليه تفكر

ليه تقول

لئه .. لئه

لأ ياعالم

لأ يناس

كل إيد غادره بتضرب بالرصاص

إيد ضعيفه

روح جبانه

مش مخيفه

والرصاص لو كان بيعرف الطريق

أو عرف إنه كان هيسكن جوه قلب وكان برىء

كان وئام

كان حنان

كان أمان

كل عود أخضر بيكبر هوا قدسى

كل صوت للسلم يعلى هوا قدسى

كل إيد للطوب بتحدف هيا قدسى

كل روح تشقى وتعرق هيا قدسى

كل طفله تنام وتصرخ هيا قدسى

كل أم إنجلد فيها الحنان هيا قدسى

كل شابه إتوأد فيها الأمان هيا قدسى

كل طفل بيجرجروه شوف إيديه شوف عنيه تبكى تقول آآآآآه يا قدسى

كل ركعه فى قبله وياها نبله تدعى تقول آآآآآه يا قدسى

كل شجره ترتوى بدموع ولادها تكتب صمودها هيا قدسى

كل طيرجريح مسلوب الجناح يصرخ يقول آآآآآه يا قدسى

كل شمس تشرق وتشوف الجراح ويا الصباح تصرخ تقول آآآآآه يا قدسى

كل ست تحضن فى شجره وفاح النواح آآآآآه يا قدسى

كل روح ماشيه فى طريقها رايحه لبارئها تنده تقول آآآآآه يا قدسى

روح جريئه

طاهره وبريئه

برضو قدسى

ليه ياناس

ليه ياعالم

ليه تقولوا القدس ماتت

دا القرآن عمره فى يوم ما مات

زجل .. عادل إمام عماره

جده ... 12 / 3 / 2010 م

يحذر النسخ أو النقل لموقع أخر